Ոսկին գողացել են ոչ միայն Միհրանից, այլ մեր պետությունից, մեր դրոշից. Ստյոպա Սաֆարյան

Գյադայալածիրակական ոճի այս պատասխանից հետո որ մեկս էլ լինեինք Միհրանի փոխարեն, մեզ վստահաբար անթիկունք, անպաշտպան, որբ ու դավաճանված կզգայինք, որովհետեւ սեփական երկրի մարզական ղեկավարությունը դուխ չունի դուրս գալու Ռուսաստանի ըմբշամարտի ֆեդերացիայի մաֆիայի ու դրա նախագահի /ծագումով վրացի/ դեմ, ով, համաձայն այս օրերին տարածված տեղեկատվության /http://armtimes.com/hy/read/91787/, ժամանակին սպառնացել է Միհրանին` քանի ինքը կա, Միհրանը չի հաղթելու: Սպառնացել է այն բանի համար, որ ՌԴ դրոշի տակ հանդես եկող Միհրանը "միտումնավոր" պարտվել է Հայաստանի մարզիկին... Եւ ահա, նույն այդ մաֆիան սերբերի հետ գործարքի գնաց` մեդալը ձեզ, Միհրանին պատժելը` մեզ: Եւ, ահա, ՀԱՕԿ-ն իր դեմքին ռուս-սերբական այդ շառաչուն ապտակը կուլ է տալիս, որովհետեւ Հայաստանի ղեկավարությունից այլ բան չես էլ սպասի: Նրանց մոտ հավանաբար առաջին ապտակն էլ դժվար չի եղել կուլ տալը, ինչ մնաց հազարերորդը կուլ տալը դժվար լինի: Դե ինչպես բողոքեն, երբ Կրեմլին կոնյակ են մատակարարում, Կրեմլի դրածոն են ոտքից գլուխ, Կրեմլին են տալիս ամեն ինչ` ազգի ու պետության իրավունքից մինչեւ զինվոր-քաղաքացու արյուն ու ոսկե մեդալ... Միհրան, ժողովրդիդ սիրուց այն կողմ աշխարհ չկա: Դու միայնակ չես, միգուցե ոչ քո չափ, բայց մենք էլ շատ-շատ զգում ենք քո ցավն ու հիասթափությունը: Դու մեր թասիբն ես, մեր արժանապատվությունն ու մեր հաղթանակը, որը չենք զիջի: Հայեր, թասիբը լավ բան է, մենք այն ունենք: Ոսկին գողացել են ոչ միայն Միհրանից, այլ մեր պետությունից, մեր դրոշից, այսպես չպետք է թողնենք: Խոր հիասթափության մեջ գտնվող Միհրանին ու նրա ընտանիքին չպետք է միայնակ թողնենք, չպետք է թողնենք, որ մարսեն Միհրանի արցունքներն ու տարիների տառապանքը: Հասկանանք, թե ինչ ահռելի մարզումների ու քրտինքի, վնասվածքների ու հոգեբանական ապրումների միջով է անցնում մարզիկը` իրականություն դարձնելու համար բոլորի համար նվիրական երազանքը` օլիմպիական չեմպիոնի կոչումը: Սա Միհրանի շանսն էր, նրա տարին էր, ու նա ոչ թե հաղթանակին շատ մոտ էր, այլ հաղթանակը նրանն ու մերն էր, բայց գողանում են.... Գողանում են ՀԱՕԿ-ի համաձայնությամբ: ՀԱՕԿ-ը ասում է, որ ինքը անելիք չունի: Միհրանն իր հասանելիքն արել է: Մեր թասիբի խնդիրն է: ԻՆչխես միշտ` մնացել ենք մենակ` անպետություն, անղեկավար: Բայց թույլ չենք, ինչպես ապացուցվել է շատ անգամներ... Ավելի մեծ թափով միացեք համացանցի ստորագրահավաքին: Դրան միացրեք ձեր արտասահմանցի ընկերներին, բարեկամներին:https://www.change.org/p/united-world-wrestling-mihran-haru… Ստեփան Սաֆարյանի գրառումը