Ռոբերտ դե Նիրոն պատրաստվում է հյուրանոց կառուցել

Աշխարհահռչակ հոլիվուդյան դերասան Ռոբերտ դե Նիրոն պատրաստվում է հյուրանոց կառուցել Մեծ Բրիտանիայի մայրաքաղաք Լոնդոնի կենտոնում՝ Քովենթ Գարդեն թաղամասում, հայտնում է Sky News-ը: Նշվում է, որ հյուրանոցը կառուցելու ծրագրերի մասին դե Նիրոն հայտնել էր դեռ ընթացիկ տարվա սկզբին, սակայն հիմա արդեն պաշտոնապես թույլտվություն է ստացել շինարարության համար: 73-ամյա դերասանը, ըստ այդմ, պատրաստվում է բացելWellington Hotel անունով հյուրանոց, որը կունենա 83 համարներ, սրճարան, ռեստորան, խանութ եւ այլ հարմարություններ: Ըստ դերասանի, այդ հյուրանոցը պետք է համապատասխանի Լոնդոնի պայծառ եւ կոսմոպոլիտական ոգուն: Շինարարական աշխատանքները սկսվելու են 2017-ին եւ ավարտվելու 2019-ին: