«Ռեժիմին մեկ ուղղություն է մնում». Ալեք Ենիգոմշյան
«Սասնա ծռեր» շարժման քաղաքական խորհրդի անդամ Ալեք Ենիգոմշյանն այսօր Հայելի ակումբում լրագրողների հետ հանդիպման ընթացքում ասաց, որ հուլիսի 17-ից հետո իրավիճակ է փոխվել. «Այն ինքնավստահությունը, որ կար մեր իշխանությունների մոտ, թե մեր դեմ խաղ չկա, այդ իրավիճակը լրիվ փոխվել է: Այդ ինքնավստահությունը չկա ռեժիմի մոտ, բայց կա ժողովրդի մոտ: Վարչախմբի ունեցած զինանոցն էապես խարխլված է: Այսօր նա շարունակում է հենվել ընդամենը մեկ ինստիտուտի վրա, որը ոստիկանական պատժիչ ուժերն են, բայց այնտեղ էլ հստակորեն երևում են ցնցումներ. Ոստիկանության շարքերից հարյուրավոր դիմումներ են ներկայացվում այնտեղից դուրս գալու համար»: Ըստ Ենիգոմշյանի՝Իշխանության ներսում ցնցումների, հասարակության հստակ գործողությունների, Արևմուտքի կողմից հստակ հարցադրումների առաջադրման պայմաններում «ռեժիմին մնում է ընդամենը մեկ ուղղություն, որից կարող է օգնություն ստանալ. դա Ռուսաստանն է, սակայն վերջինս ամբողջությամբ չի վստահում իշխանությանը և դրա ղեկավարին և քարտ բլանշ չի տա»:
Հետևեք մեզ Viber-ում
