Ինքնադրսևորման նոր ասպարեզ է գտել
«Հրապարակ» թերթը գրում է. «Արագածոտնի նախկին մարզպետ Սարգիս Սահակյանի համար ՏԻՄ ընտրություններն ինքնադրսևորման նոր ասպարեզ են դարձել։ Մեր տեղեկություններով, նա ակտիվ աշխատանքներ է տանում մարզի բոլոր համայնքներում իր թեկնածուներն ունենալու համար և նույնիսկ մարդկանց է առաջադրում իր կուսակիցների՝ ՀՀԿ-ականների դեմ։ Օրինակ, Բյուրականում առաջադրվել է նախկին գյուղապետ Հրաչիկ Ավագյանը, որը Սահակյանի «մարդն» է՝ երկար տարիներ միասին են աշխատել։ Գործող գյուղապետ ՀՀԿ-ական Զարզանդ Բաբայանը նույնպես առաջադրվել է՝ երկրորդ անգամ։ Չնայած Բաբայանն էլ է աշխատել Սահակյանի հետ, բայց այժմ չի ընդվզում ՀՅԴ-ական մարզպետի՝ Գյոզալյանի դեմ, որի դեմ նախկին մարզպետը պատերազմ է հայտարարել։ Սահակյանը հույս ունի, որ յուրայինների միջոցով կարող է իր վերադարձի ճանապարհը հարթել»։ Մանրամասները՝ թերթի այսօրվա համարում
Հետևեք մեզ Viber-ում
