CNN Türk-ի դեմ հետաքննություն է գնում
Ստամբուլի դատախազությունը հետաքննություն է սկսել CNN Türk հեռուստաընկերության լրատվական հաղորդման գլխավոր խմբագրի և նորությունների ծրագրի պրոդյուսերի դեմ, որոնք մեղադրվում են Թուրքիայի ընդդիմադիր Ժողովրդա-հանրապետական կուսակցության առաջնորդ Քեմալ Քըլըչդարօղլուի՝ Թուրքիայի նախագահ Թայիփ Էրդողանի հասցեին ասված խոսքերը մեջբերելու համար, գրում է RIA Novosti-ն: Քըլըչդարօղլուն, հունվարի 16-ին ելույթ ունենալով իր կուսակցության համագումարում, Էրդողանին անվանել է «բռնապետի ծաղրանմանակ» և մեղադրել է նրան կոռուպցիայի ամենաթողության մեջ: Անկարայի դատախազությունը հետաքննություն է սկսել ընդդիմադիր առաջնորդի դեմ՝ երկրի նախագահի հասցեին արված վիրավորանքի մեղադրանքով: Էրդողանը դատական երկու հայց է ներկայացրել Քըլըչդարօղլուի դեմ՝ պահանջելով նրանից 200 հազար թուրքական լիրի (մոտ 66 հազար դոլար) չափով բարոյական փոխհատուցում: