Ես 20%-ով առաջ կլինեի Հիլարիից, եթե.... Թրամփ
Հանրապետական կուսակցությունից ԱՄՆ նախագահի թեկնածու Դոնալդ Թրամփը Twitter-ում հրապարակել է գրառում այն մասին, որ եթե ԶԼՄ-ները արդար լուսաբանեին իր քարոզարշավը, ապա նա 20%-ով առաջ կլիներ իր հակառակորդ Հիլարի Քլինթոնից, հայտնում է RIA Novosti-ն: «Եթե զզվելի և կոռումպացված լրատվամիջոցները ինձ ազնվորեն մեկնաբանեին և կեղծ նշանակություն չդնեին իմ խոսքերի մեջ, ես 20%-ով առաջ կլինեի Հիլարիից »,- գրել է Թրամփը: Հաջորդ հրապարակման մեջ նա գրել է. «Իմ հանրահավաքները արդար չեն մեկնաբանվում լրատվամիջոցների կողմից: Նրանք երբեք չեն քննարկում իրական իմաստը և երբեք ցույց չեն տալիս մարդկանց քանակը կամ խանդավառությունը»: Վերջին հարցումների տվյալներով՝ Քլինթոնը վստահորեն առաջ է Թրամփից:
Հետևեք մեզ Viber-ում
