Ի՞նչը հետ պահեց Պերմյակովին
Գյումրիում Ավետիսյանների ողբերգական սպանության գործի քննության ընթացքը շարունակում է տհաճ անակնկալներ մատուցել ու խորացնել կասկածներն առ այն՝ արդյոք ռուսական ռազմաբազայի սպա Վալերի Պեերմյակովն է սպանել Ավետիսյանների ընտանիքի յոթ անդամների, թե պարզապես կատարվածի մեղքը փորձում են բարդել նրա վրա: Օգոստոսի 5-ի դատական նիստի ընթացքում դատարանը մերժել է սպանված Ավետիսյանների տանը փորձարարություն անցկացնելու Ավետիսյանների պաշտպանի միջնորդությունը: Գործող կարգի համաձայն՝ փորձարարություն անցկացնելու հարցում վճռորոշը ամբաստանյալ Պերմյակովի ցանկությունն է, եթե նա չցանկանա, ապա փորձարարություն չի անցկացվի: Տուժողի իրավահաջորդների ներկայացուցիչներից Արթուր Սաքունցը միջնորդել է, որ մեղադրյալ Վալերի Պերմյակովի մասնակցությամբ փորձարարություն անցկացվի հենց սպանված Ավետիսյանների տանը: Նախ փորձարարություն իրականացնել Ավետիսյանների տանը` Մյասնիկյան 188 հասցեում` Ավետիսյանների ընտանիքի անդամների գտնվելու վայրի և Պերմյակովի գործողությունների վերաբերյալ: Դրա անհրաժեշտությունը նա բացատարել է այն հանգամանքով, որ ռուսական կողմը Պերմյակովի մասնակցությամբ փորձարարությունն անցկացրել էր ռազմաբազայի տարածքում, ոչ թե հանցագործության վայրում: Ըստ դատախազ Գևորգ Գևորգյանի, փորձաքննությունը ժամանակավրեպ է,սակայն Սաքունցը պնդել է դրա անհրաժեշտությունը, քանի որ ամբաստանյալն ընդհանրապես գործի ընթացքում Ավետիսյանների տուն չի տարվել: Արթուր Սաքունցը նույն միջնորդության 2-րդ կետով էլ պահանջել է, որպեսզի փորձաքննություն անցկացվի նաև Ավետիսյանների տանն արձակված 28 կրակոցների ձայնի «լսվել- չլսվելու հարցով»: Գործող կարգի համաձայն՝ փորձարարություն անցկացնելու հարցում վճռորոշը հենց Պերմյակովի ցանկությունն է՝ եթե նա չցանկանա, ապա փորձարարություն չի անցկացվի: Տուժողի իրավահաջորդները հարցերի միջոցով փորձեցին պարզել, թե ինչու՞ ռուսական կողմի փորձարարությանը նա համաձայնել է, իսկ հիմա չի համաձայնում: Վերջինս ասաց՝ չի հիշում, չի կարող ու չի ցանկանում.«Չեմ կարող, չեմ ցանկանում»,- եղավ Պերմյակովի պատասխանը: Այս միջնորդությանը տուժողի իրավահաջորդների ներկայացուցիչներից ոմանք միացան, ոմանք էլ որոշեցին, որ այն ենթակա է մերժման:Բուռն քննարկումներից հետո մերժվեց նաև կրակոցների լսելիության միջնորդությունը: Իսկզբանե, հիշեցնենք, որ քննարկումների կիզակետում նաեւ այնս հարցերն են, որ Պերմյակովը միայնակ չի գործել, ավելին, որ նա ընդհանրապես կապ չունի այս ամենի հետ, թերեւս այդ պատճառով է նա հետ կանգնեց փորձարարությանը դեպքի վայրում, ինչպես նաեւ վարկածներից մեկի համաձայն էլ սա նախապես պլանավորած հանցագործություն է ու կրակել են խլացուցիչ ունեցող ինքնաձիգով: Գործընթացները կարծես հաստատում են այդ վարկածների ճշմարտացիությունը: Անի Սահակյան