Ադրբեջանի կողմից քայլեր են կատարվել բանակցությունների արդյունքները վիժեցնելու ուղղությամբ. Քոչարյան
ՀՀ փոխարտգործնախարար Շավարշ Քոչարյանը կառավարության նիստից հետո լրագրողների հետ զրույցում նշել է, որ Ադրբեջանի կողմից արդեն քայլեր են կատարվել այդ բանակցությունների արդյունքները վիժեցնելու ուղղությամբ:Հարցին, թե «Սասնա ծռերի» գործողություններն ի՞նչ ազդեցություն կարող են ունենալ ԼՂ բանակցությունների վրա, ասել է.. «Պահանջներից մեկը, որը նրանք բարձրացրել էին, նաեւ կապված էր ղարաբաղյան հիմնախնդրի հետ, դա կա: Թե ինչպես դա կազդի, դժվարանում եմ ասել»: Հարցին, թե օգոստոսի 10-ին Ռուսաստանում կայանալիք Սարգսյան-Պուտին հանդիպումից հետո ղարաբաղյան հարցում ակնկալո՞ւմ են որեւէ փոփոխություն նախ հայտնել է, որ ամեն ինչ շատ հստակ է, այնուհետև ավելացրել. «Կա երկու հարթություն՝ վստահության մթնոլորտի ստեղծում, որն առաջարկել են համանախագահող երկրները: Իսկ դա, առաջին հերթին, նշանակում է՝ շփման գծում չպետք է լինեն սադրանքներ, կրակոցներ եւ այլն: Երկրորդ հարթությունը բուն բանակցային գործընթացն է, որը կարող է առաջ մղվել այն դեպքում, երբ այս բոլոր հարցերը լուծվեն»:
Հետևեք մեզ Viber-ում
