Եւս մեկ նամակ`ԵԽԽՎ-ի ALDE խմբի անդմաներին

Այսօր եւս մեկ նամակ եմ գրել ԵԽԽՎ-ի ALDE խմբի անդմաներին. Սիրելի բարեկամներ, Մինսկի Խմբի համանախագահները`ԱՄՆ, Ֆրանսիան եւ Ռուսաստանն այսօր, հունվարի 22-ին, նոր հայտարարություն են արել երեքշաբթի օրը, հունվարի 26-ին ԵԽԽՎ-ում քննարկվելիք եւ Լեռնային Ղարաբաղին առնչվող երկու բանաձեւերի վերաբերյալ: Նոր հայտարարության մեջ նրանք կոչ են արել ԵԽԽՎ-ի անդամներին «չձեռնարկել այնպիսի քայլեր, որոնք կխարխլեն Եվրոպայում Անվտանգության եւ Համագործակցության Կազմակերպության կողմից տրված Մինսկի Խմբի մանդատը» /ամբողջական հայտարարության համար տես`http://www.osce.org/mg/217732. Սա եւս մեկ հիշեցում է, որ այդ նախագծերում մենք գործ ուենք շատ նրբանկատ հարցերի հետ, որոնք ոչ միայն կարող են վնասարար ազդեցություն ունենան ղարաբաղյան հակամարտության կարգավորման ընթացող բանակցությունների վրա, այլեւ պայթյունավտանք զարգացումներ առաջացնեն մի տարածաշրջանում, ուր լարվածությունն առանց այդ էլ բարձր է եւ որում փոխկապակցված են կամ անգամ բախվում են Միացյալ Նահանգների, Եվրոպական Միության, Ռուսաստանի, Թուրքիայի եւ Իրանի շահերը: Սա ենթադրում ե մեծ պատասխանատվություն: Ցանակացած սխալ լուրջ հետեւանքներ կունենա: Կրկին կոչ եմ անում ձեզ քվեարկել դեմ այդ բանաձեւերին, ինչր կլինի ղարաբաղյան հակամարտությանն ու հայերի եւ ադրբեջանցիների հաշտությանը նպաստելու լավագույն միջոցը: Լեւոն Զուրաբյան