Պատգամավոր Սավչենկոն հացադուլ է հայտարարել
Ուկրաինայի Գերագույն ռադայի պատգամավոր Նադեժդա Սավչենկոն հայտարարել է, որ հացադուլ է հայտարարում և պահանջում ազատել Ռուսաստանի և Դոնբասի տարածքում պահվող ուկրաինացի պատանդներին, հայտնում է BBC-ի ռուսական ծառայությունը: «Ես բազմաթիվ մեթոդներ եմ փորձել նրանց համար պայքարելիս, ինչպես ինձ համար պայքարում էր աշխարհը: Հիմա ես նրանց համար կպայքարեմ այնպես, ինչպես ինձ համար էի պայքարում»,- ասել է Սավչենկոն Կիևում մամուլի ասուլիսի ժամանակ: Նրա խոսքով` ինքը մտադիր է բողոքել` ի պատասխան «ողջ աշխարհի իշխանությունների անգործությանը» և հացադուլը շարունակվելու է «մինչև դրական արդյունքի հասնելը»: «Ես առաջարկել են նախագահին (Պյոտր Պորոշենկո) իրական գործողությունների դիմել պատանդներին ազատ արձակելու համար: Հարկավոր է մարդկանց առաջինն ազատել»,- հայտարարել է Սավչենկոն:
Հետևեք մեզ Viber-ում
