Տարեսկզբից Միջերկրական ծովով Եվրոպա են ժամանել ավելի քան 257 հազար ներգաղթյալներ

2016 թվականի սկզբից ի վեր Միջերկրական ծովով Եվրոպա են ժամանել 257 հազար ներգաղթյալներ ու փախստականներ, ավելի քան 3,1 հազար մարդ զոհվել կամ անհետ կորել է ճանապարհին: Այս մասին հայտնում է Միգրացիայի միջազգային կազմակերպությունը (ՄՄԿ)՝ փոխանցում է TASS գործակալությունը։ Ըստ կազմակերպության գնահատումների՝ հունվարի 1-ից մինչև օգոստոսի 2-ը եվրոպական երկրներ ժամանած ներգաղթյալների թիվը հասել է 257 հազար 186-ի: Զոհված և անհետ կորած է համարվում 3120 մարդ: Տարեսկզբից ամենից շատ ներգաղթյալներ ու փախստականներ է ընդունել Հունաստանը (160 հազար 233): Իտալիա է ժամանել 94 հազար 62 ներգաղթյալ ու փախստական: Մինչև Իսպանիա է կարողացել հասնել 2476 փախստական, իսկ Կիպրոսն ընդունել է 28 մարդու։