«Վալերի Օսիպյանն ավելի լավ պատանդ էր, քան բժիշկները».Դավիթ Գյուրջինյան.տեսանյութ
«Ժողովուրդն իշխանությունից սրտաբաց խոսք չլսեց, հակառակը՝ Օպերայում, հարակից տարածքներում զբոսնող մարդկանց շատ հաճախ «հրավիրում էին» ոստիկանություն, և այդ հրավիրելը ուղեկցվում էր բռնությամբ։ Մենք տեսանք, թե ինչպես են վաստակավոր նկարչի գլուխը սեղմելով նստեցնում ոստիկանական մեքենա, տեսանք, թե ինչպես են 70-ամյա կնոջը թեւերը ոլորած տեղափոխում ոստիկանություն. այնտեղ կարող էին 50 կամ ավելի այդպիսի կին նստած լինել, նրանք վտա՞նգ են ներկայացնում Հայաստանի համար։ Ընդ որում, այդ ամենն ուղեկցվում է «հարգելիս» դիմելաձևով. այդ բառն էլ խայտառակ ձեւով արժեզրկվեց»,-այս մասին Հայելի ակումբում ասաց լեզվաբան Դավիթ Գյուրջինյանը։ Անդրադառնալով բժիշկների՝ ՊՊԾ գնդի տարածքում պահելուն, բանախոսը կարծիք հայտնեց, որ Վալերի Օսիպյանը և մյուս ոստիկաններն ավելի լավ պատանդ էին, քան բժիշկները: «Կարծում եմ, որ բժիշկներն էլ շուտով կմիանան մեզ և նրանց գլխից մազ չի պակասի: Իսկ ժամանակն ամեն ինչ տեղը կդնի և մենք կունենանք բաց հասարակություն»,-նշեց պարոն Գյուրջինյանը: Ավելի մանրամասն՝ տեսանյութում
Հետևեք մեզ Viber-ում
