Էլ Ֆալուջա քաղաքը կպաշտպանվի խրամով
Իրաքյան կառավարական ուժերը վերջերս ԻՊ ահաբեկիչներից ազատագրված Էլ Ֆալուջա քաղաքը պաշտպանելու համար քաղաքի շրջակայքում խրամ կփորեն: Այս մասին հայտնում է AP գործակալությունը` վկայակոչելով կառավարական ուժերի հրամանատարության հայտարարությունն այս առնչությամբ: «Խրամը կպաշտպանի քաղաքի տառապյալ ժողովրդին եւ այնտեղ տեղակայված կառավարական ուժերին»,- հայտարարել է քաղաքի կառավարական ուժերի հրամանատար Աբդել Վահաբ աս Սաադին եւ մանրամասնել, որ այն կունենա 12,5 մետր խորություն, իսկ ելումուտի համար բաց կմնա միայն մի ճանապարհ, որն ավելի կդյուրացնի վերահսկողությունը եւ մարդկանց ու տրանսպորտային միջոցների տեղաշարժը: Էլ Ֆալուջան գտնվում է Անբար քաղաքում եւ մինչեւ ԻՊ գրոհայինների հսկողության հաստատումը, ունեցել է 85 հազար բնակիչ: ՄԱԿ-ի փորձագետների կարծիքով՝ մարդիկ այստեղ կվերադառնան օգոստոսին:
Հետևեք մեզ Viber-ում
