Ով է Մյունխենի հրաձիգը
Ոստիկանության տվյալներով, Գերմանիայի Մյունխեն քաղաքում «Օլիմպիա» առեւտրային կենտրոնի մոտ նախօրեին տեղի ունեցած զինված հարձակման հետեւանքով 9 մարդ է մահացել, 16-ը տեղափոխվել է հիվանդանոց: Ոստիկանները հայտնել են, որ կրակողը եղել է 18-ամյա իրանցի: Տեղի ունեցածի դրդապատճառները դեռ հաստատված չեն,հրաձիգը գործել է միայնակ եւ հավանական է, ինքնասպան է եղել: Նշենք, որ ուրբաթ երեկոյան զինված անձը կրակ է բացել «Օլիմպիա» առեւտրային կենտրոնի մոտ: Մյունխենի ոստիկանությունը կարծում է, որ նա ատրճանակ է գործածել: Հարձակումից հետո նա հայտնվել է քաղաքացիական պարեկային ծառայության աշխատակիցների կրակի տակ: Ավելի ուշ ոստիկանները հայտնաբերել են հարձակվողի մարմինը: «Այս պահին քննության ձեռքի տակ եղած տվյալներով, կասկածյալը Մյունխենի 18-ամյա բնակիչ է, ծագումով Իրանից»,- լրագրողներին հայտնել է Մյունխենի ոստիկանապետը:
Հետևեք մեզ Viber-ում
