Միայն Դաշնակցությունն է իր սկզբունքները դավաճանում. Հրանուշ Խառատյան
«Սահմանադրությունը դրել է այն սկզբունքը, որ երկիրն առաջիկայում միակուսակցական կառավարում պետք է ունենա:Եթե կոալիցիաները նախապես կազմվեն ՝ հասկանալի է, թե, որ ուժերն են միակուսակցական համակարգը կառավարելու»,-այսօր Հայելի ակումբում այս մասին ասաց ազգագրագետ Հրանուշ Խառատյանը: Ազգագրագետը գտնում է, որ նոր սահմանադրությունը հաստատում է այն փաստը, որ Հայաստանը ամենածանր կապիտալիզմի ճանպարհն է ընտրել: «Դեռ սահմանադրական փոփոխությունից առաջ Դաշնակցականները համարյա ուլտիմատիվ պահանջներ ունեին ՀՀԿ-ից, սակայն հիմա այդ մասին չի խոսվում:Քաղաքական դաշինք կազմելու այսօրվա այս հայտարությունն, իմ կարծիքով, այս պահին մեզ թույլ է տալիս ասել, որ Դաշնակցությունը իր սկզբունքներից որևէ մեկի համար չի աշխատում և միայն նրանք են, որ այս պահին իրենց սկզբունքներին դավաճանում են»,-հայտնեց Հրանուշ Խառատյանը: «Ինձ համար շատ տարօրինակ է, որ այպես կոչված շարքային դաշնակցականներից որևէ մեկնաբանություն այս խնդրի վերաբերյալ չկա: Սփյուռքի դաշնակցակններից ևս մեկնաբանություններ չկան»,-նշեց նա: Ասուլիսին ներկա էր նաև ԱԺ ՀՀԿ-ական պատգամավոր Լեռնիկ Ալեքսանյանը, ով դրական է համարում, որ կուսակցությունները միասին համագործակցում են և ստեղծում են կոալիցիաներ: «ՀՀԿ-ի դռները միշտ էլ բաց են եղել բոլոր կուսակցությունների համար: ՀՀԿ-ն պահապանողական կուսակցություն է, ազգային արժեքներ դավանող և այդ առումով Դաշնակցության հետ ունի ընդհանրություններ: Ինչպես կձևավորվի այդ համագործակցությունը՝ թերևս ընթացքի մեջ է»,-հայտնեց բանախոսը և ընդգծեց այն փաստը, որ մի հոգին ոչինչ չի կարող անել, որպեսզի քաղաքականության մեջ փոփոխություններ լինեն: «Մի նախարարը, մի մարզպետը և նույնիսկ վարչապետը տնտեսական քաղաքականության առումով չեն կարող ինչ-որ բան փոխել:Այսօր եթե կոալիցիա են կազմում, հատկապես տնտեսական, ուրեմն սկզբունքը տնտեսական քաղաքականության հետ համաձայնության հետ լինելն է: Մի նախարարը շղթայի մի օղակն է, որը ոչինիչ քաղաքականության մեջ փոխել չի կարող»,-նշեց պատգամավոր Լեռնիկ Ալեքսանյանը: «Մեզ մոտ լավագույն ավանդույթ է ձևավորվել,երբ -որ կարևոր փաստաթղթեր են ընդունվում՝ ասում ենք եկեք սրանք ընդունենք, հետո դրա վրա կաշխատենք:Այսինքն դրա օրինակները 26 տարի տեսնում ենք:Այդպես վարվեցին դաշնակցականները և ինչի՞ հասավ Դաշնակցությունը դա շատ մեծ հարցական է»,-այսպես արտահայտվեց նոր ձևավորվող կոալիցիայի մասին ՀԴԿ նախագահ Արամ Սարգսյանը: «Եթե օլիգարխները նորից գնան Հանրապետականների անունից, առնվազն առաջին տասնյակը լինելու են օլիգարխները: Էլ ու՞ր մնաց համամասնականը»,-հարցադրում արեց ՀԴԿ նախագահը: Արամ Սարգսյանի համար զարմանալի է թե ինչն է նրանց համար ազգային արժեհամակարգը, երբ լսում են Դավութօղլուի հայտարարությունը և ոչ մի քայլ չեն ձեռնարկում: «Երբ Դավութօղլուն Բաքվում ասում է, որ մենք բոլոր հնարավոր միջոցներով պետք է ազատագրենք ԼՂՀ-ն, որովհետև դրանք մեզ համար սրբազան հողեր են, այդ ու՞ր մնաց ձեր ազգային գաղափարախոսությունը, որ չեք արձագանքում դրան:Սա արդեն ջիհադի հայտարարություն է»,-հայտնեց ՀԴԿ նախագահ Արամ Սարգսյանը: Լուսինե Միքաելյան
Հետևեք մեզ Viber-ում
