Ավտովթար Երևանում. Գայի արձանի մոտ բախվել են BMW-ն ու Nissan-ը
Այսօր` հուլիսի 15-ին, ավտովթար է տեղի ունեցել Երևանում: Ժամը 14:50-ի սահմաններում Գայի պողոտայում` Գայի արձանի մոտ, բախվել են 29-ամյա Արման Առաքելյանի վարած Nissan մակնիշի 77 QQ 797 համարանիշի և 22-ամյա Վլադիմիր Վարդազարյանի վարած BMW մակնիշի 47 CC 707 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, զոհեր և վիրավորներ չկան: Դեպքի վայր ժամանած ճանապարհային ոստիկանության 1-ին սպայական գումարտակի սպայական ջոկի աշխատակից Հովհաննես Սարգսյանի կողմից անվարույթ նյութեր են նախապատրաստվում: Նշված ճանապարհահատվածում խցանում տեղի չունենալու համար ՃՈ աշխատակիցները անհրաժեշտ աշխատանքներ են կատարել: Օպերատիվորեն ժամանել են նաև ապահովագրական ընկերությունների ներկայացուցիչները: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
