Յունկերը Եվրահանձնաժողովի ամենաազդեցիկ անդամն է

Politico թերթի եվրոպական պարբերականը հրապարակել է Եվրահանձնաժողովի անդամների սեփական քաղաքական վարկանիշը, որի համաձայն՝ Եվրահանձնակատարների կոլեգիայի անդամներից ամենաազդեցիկը ԵՄ գործադիր իշխանության բարձրագույն մարմնի նախագահ,  լյուքսենբուրգցի Ժան–Կլոդ Յունկերն է, հայտնում է РИА Новости-ն։ Վարկանիշը հիմնված է Եվրահանձնաժողովի անդամների և դրա կաբինետների ղեկավարների հետ թերթի բացառիկ հարցազրույցների վրա։ Որոշ եվրոպացի քաղաքական գործիչներ կողմ են Յունկերի հրաժարականին՝ կարծելով, որ նա բավականաչափ չի դիմակայել, որպեսզի ԵՄ կազմից Մեծ Բրիտանիայի դուրս գալու հարցով հանրաքվեն դրական արդյունք ունենա եվրոպական ինտեգրացիայի համար։ Սակայն Յունկերի «հրաժարականի» դեմ են Գերմանիան, Ֆրանսիան, Բելգիան, Լյուքսեմբուրգն ու Նիդեռլանդները, հայտնում են ԵՄ–ում РИА Новости–ի աղբյուրները։ Politico–ի վարկանիշում ԵՄ–ում քաղաքական ազդեցության տեսակետից Յունկերին հաջորդում է Եվրահանձնաժողովի նախագահի տեղակալ Ֆրանս Տիմերմանսը, էներգետիկայի հարցերով եվրահանձնակատար Մարոշ Շեֆչովիչը, էներգետիկայի և կլիմայի հարցերով եվրահանձնակատար Միգել Արիաս Կանյետեն, թվային էկոնոմիկայի և տեղեկատվական հասարակության հարցերով եվրահանձնակատար Գյունթեր Էթինգերը եւ Էկոնոմիկայի և ֆինանսների եվրահանձնակատար Պիեր Մոսկովիչին։