Թրամփը Օբամային եւ Քլինթոնին մեղադրել է ԻՊ-ին աջակցելու համար
Սպիտակ տան ներկայիս ղեկավար Բարաք Օբաման եւ նախկին պետքարտուղար Հիլարի Քլինթոնը պատասխանատվություն են կրում ԻՊ ահաբեկչական խմբավորման ստեղծման համար. հունվարի 2-ին նման հայտարարություն է արել ԱՄՆ-ի նախագահության թեկնածու, միլիարդատեր Դոնալդ Թրամփը . «Նրանք են ստեղծել ԻՊ-ը: Հիլարի Քլինթոնն է ստեղծել ԻՊ-ը Օբամայի հետ միասին», - ասել է Թրամփը, որի Միսիսիպիում ելույթի ձայնագրությունը հրապարակել է Associated Press գործակալությունը: Թրամփը նաեւ իր գնահատականն է տվել Իրանի մայրաքաղաք Թեհրանում իրադարձություններին, որտեղ բողոքի ակցիաներ էին տեղի ունեցել Սաուդյան Արաբիայում շիա հայտնի քարոզիչ շեյխ Նիմրա ան-Նիմրայի մահապատժի հետ կապված: Ցուցարարներին հաջողվել էր ներխուժել Իրանում թագավորության դեսպանատան տարածք, սակայն շուտով օրենքի պահապանները նրանց քշել էին այդտեղից: «Թեհրանում այրում են Սաուդյան Արաբիայի դեսպանատունը, հասկանո՞ւմ եք: Հարցն այն է, որ Իրանը փորձում է ազդեցություն ձեռք բերել Սաուդյան Արաբիայի նկատմամբ: Նրանք միշտ փորձել են: Նրանք ուզում են նավթին տիրանալ», - ենթադրում է Թրամփը:
Հետևեք մեզ Viber-ում
