Թուրքիայի և Ռուսաստանի հաշտեցման «գազային կողմի» մասին

Մոսկվայի և Անկարայի հարաբերությունների լավացումը, որը հնարավոր է դարձել Թուրքիայի նախագահ Ռեջեփ Էրդողանի ներողությունից հետո, կխստացնի թուրքական շուկա գազի խոշոր արտահանողների պայքարը, հայտնում է Foreign Policy-ն: Էներգետիկ և տարածաշրջանային աշխարհաքաղաքականության փորձագետ Մայքլ Թանչումը համարում է, որ Ռուսաստանի և Իսրայելի հետ հարաբերությունների լավացումը պայմանավորված է Մերձավոր Արևելքում Իրանի գերիշխանության տարածումը կանգնեցնելու Թուրքիայի ցանկությամբ: «Ռուսաստանի հետ հաշտեցումը Թուրքիայի ավելի խոշոր ռազմավարության մասն է, որը ենթադրում է Իսրայելի հետ համագործակցության վերականգնում և Սաուդյան Արաբիայի ու Կատարի հետ ռազմավարական կապերի խորացում»,- հայտնել է Մայքլ Թանչումը: Ի դեպ՝ Մոսկվայի և Անկարայի միջև քաղաքական կլիմայի փոփոխման պայմաններում«Թուրքական հոսքի» ապագան մնում է անորոշ: Շատ հնարավոր է, որ Ռուսաստանն արդեն մեծ սպասելիքներ չունի՝ կապված այդ նախագծի հետ, որը, ըստ պլանների, պետք է Մոսկվայի համար հասանելի դարձներ եվրապական շուկան: Սակայն այժմ թվում է, որ «Հարավային հոսքով» միակ գազ ստացողը կլինի Թուրքիան, որն էլ իր հերթին ջանում է նվազեցնել իր գազային կախվածությունը Ռուսաստանից, նշել է փորձագետը: Թուրքական շուկայում Ռուսաստանի մրցակիցը Իսրայելն է, որը ցանկանում է իր տարածաշրջանային կարգավիճակը բարձրացնել գազի արտահանման միջոցով: