Մեդվեդևը պատմել է՝ ինչպես է Թուրքիան ազդում ռուսական տնտեսության վրա

Ռուսաստանի Դաշնության վարչապետ Դմիտրի Մեդվեդևը «Вести в субботу» հաղորդմանը տված հարցազրույցի շրջանակում ասել է, որ նրանք, ովքեր բարի նպատակներով են եկել ռուսական շուկա, չեն հեռացվելու այնտեղից միայն այն պատճառով, որ թուրք մատակարարները կրկին վերադառնում են ռուսական շուկա: «Ո՛չ, ամեն ինչ կմնա այնպես, ինչպես որ կա»,- մեջբերում է lenta.ru-ն վարչապետի խոսքերը: Աղբյուրը հիշեցնում է, որ հունիսի 30-ին ՌԴ նախագահ Վլադիմիր Պուտինը կարգադրել է չեղարկել ավելի վաղ Թուրքիայի դեմ սահմանված մի շարք պատժամիջոցներ, որոնք վերաբերում են զբոսաշրջությանը, գյուղատնտեսական ապրանքների ներկրմանն ու մի շարք այլ բնագավառների: