Ում կընտրեն Մեծ Բրիտանիայի նոր վարչապետ

Ինչպես ներկայացնում է BBC-ն, Միացյալ Թագավորության վարչապետի ընտրությունները բարդագույն գործընթաց են, որը կարող է տեւել մոտ երկու ամիս: Վարչապետի ընտրությունների կանոնները Մեծ Բրիտանիայում հաստատում են մի խումբ պահպանողական պատգամավորներ: Որպեսզի պահպանողական խորհրդարանականն առաջադրվի վարչապետի պաշտոնում, անհրաժեշտ է, որ նա ստանա առնվազն երկու պատգամավորի աջակցությունը: Երբ թեկնածուները հայտնի են դառնում, սկսվում է փուլային պայքար եւ ամեն փուլից հետո նվազագույն ձայներ ստացած թեկնածուն դուրս է մնում: Որպեսզի այս գործընթացը ավարտվի հոկտեմբերի երկուսին, երբ տեղի է ունենալու Պահպանողականի խորհրդաժողովը, այն պետք է սկսել ոչ ուշ, քան հուլիսի 21-ը: BBC-ն, ըստ այդմ, կազմել է հավանական թեկնածուների ցուցակի իր տարբերակը, որը ներկայացնում ենք ստորեւ. Բորիս Ջոնսոն, Լոնդոնի նախկին քաղաքապետ, համարվում է առավել հավանական թեկնածուն, կողմ էր արտահայտվում Brexit-ին: Մայքլ Գոուվ, ազդեցիկ պահպանողական գործիչ է, թեեւ վարչապետ դառնալու հավակնություններ, կարծես, դեռ չունի Թերեզա Մեյ, ներքին գործերի նախարարն է, շատ ազդեցիկ, կողմ չէր Brexit-ին Ջորջ Օսբորն, համարվում է Դեւիդ Քեմերոնի աջ ձեռքը, կորցրել է ազդեցության մեծ մասը հանրաքվեից հետո Սթիվեն Քրեբ, ծագումով ցածր խավից է, առաջին մորուքավոր նախարարն է վերջին շատ սերունդներում: Համարվում է պահպանողականների ծագող աստղը: