Էրդողանին վիրավորելու համար հեռուստաալիքներ են տուգանվել

Նախագահ Ռեջեփ Թայիփ Էրդողանի հասցեին ուղիղ եթերով վիրավորանք տարածելու համար Թուրքիայի Ռադիոյի և հեռուստատեսության բարձրագույն խորհուրդը (RTÜK) տուգանել է մի շարք հեռուստաալիքների: Ինչպես հաղորդում է ermenihaber-ը՝ թուրքական «Aktifhaber» լրատվական կայքի փոխանցմամբ գլխավոր ընդդիմադիր «Ժողովրդահանրապետական» կուսակցության (CHP-ԺՀԿ)՝ մայիսի 24-ի ժողովի ժամանակ, որը հեռարձակվել էր ուղիղ եթերով, Էրդողանի հասցեին վիրավորական արտահայտություններ են հնչել: RTÜK-ը, ըստ ռադիոյի և հեռուստատուսության հեռարձակման մասին օրենքի 8-րդ հոդվածի, ձայների մեծամասնությամբ վարչական տուգանքի է ենթարկել «Can Erzincan», «Habertürk», «NTV», «Ulusal», «CNN Türk», «Bengütürk» և «Halk Tv» հեռուստաալիքներին: Իսկ Էրդողանի հասցեին վիրավորանքներ պարունակող գերմանացի երգիծաբանի տեսահոլովակի պատճառով RTÜK-ը պատժամիջոցներ է կիրառել նաև HTV Hayat հեռուստաալիքի նկատմամբ: