Ստամբուլում արգելել են տրանսգենդերների և միասեռականների խոշոր շքերթը
Ստամբուլի իշխանություններն արգելել են տրանսգենդերային և միասեռական շքերթների անցկացումը այս ամիս` հաշվի առնելով ծայրահեղական ազգայնականների զգուշացումները, որ իրենք թույլ չեն տա նմանօրինակ իրադարձությունների կայացումը թուրքական հողի վրա: Այս մասին գրում է The Guardian-ը` նշելով, որ տրանսգենդերներին աջակցող երթը նախատեսվել էր իրականացնել այս կիրակի քաղաքի կենտրոնում, իսկ միասեռականների ամենամյա շքերթը, որը նկարագրվում է որպես խոշորագույնը մուսուլման աշխարհում, պետք է տեղի ունենար հունիսի 26-ին: Ստամբուլի նահանգապետի գրասենյակը ուրբաթ հայտնել է, որ շքերթների անցկացումն արգելվել է` հասարակական կարգը պահպանելու մտահոգությամբ պայմանավորված: Քաղաքում անվտանգության միջոցառումները առաջնահերթ են համարվում վերջին ամիսներին «Իսլամական պետության» և քուրդ զինյալների իրականացրած մի շարք պայթյուններից հետո:
Հետևեք մեզ Viber-ում
