Թուրքիան մինչև 3000 թվականը չի անդամակցի ԵՄ-ին
ԵՄ-ին անդամակցելու Թուրքիայի շանսերը հավասարազոր են Ստամբուլի Կոնստանդնուպոլիս վերանվանելու շանսերին: «Տասս» լրատվական գործակալության փոխանցմամբ` այս մասին գրում է հեղինակավոր «Financial Times» պարբերականը: «Թուրքիան մինչև 2020 թ ԵՄ կազմում ընգրկվելու նույնքան հնարավորություն ունի, որքան Ստամբուլը վերականգնված Բյուզանդական կայսրությունում Կոնստանդնուպոլիս կվերանվանվելու»,- գրում է պարբերականը: Աղբյուրը, այս առումով մեջբերել է Մեծ Բրիտանիայի վարչապետ Դևիդ Քեմերոնի խոսքերն առ այն, որ բանակցությունների` առկա տեմպերի պահպանման պարագայում Թուրքիան մինչև 3000 թ. չի անդամակցի դաշինքին. «Նրանք հայտ են ներկայացրել 1987 թվին: Անգամ չնչին հնարավորություն չկա, որ Թուրքիան մոտ ժամանակներս կդառնա ԵՄ անդամ»։