Իրանում նավթի օրական արտահանումը գերազանցել է 2 միլիոն բարելը

Իրանում նավթի հանույթը գերազանցել Է օրական 3,8 միլիոն բարելը, արտահանումը՝ 2 միլիոն բարելը: Ինչպես տեղեկացնում Է «Արմենպրես»-ը, հունիսի 14-ին այս մասին հայտնել Է Իրանի նավթի նախարար Բիժան Նամդար Զանգանեն՝ ելույթ ունենալով մեջլիսում (Իրանի խորհրդարանում): Նրա խոսքով՝ երեք տարի առաջ, երբ կազմվեց նախագահ Հասան Ռոուհանիի կառավարությունը, Իրանն արդյունահանում Էր 2,7 միլիոն բարել, իսկ արտահանում Էր 1 միլիոնից պակաս: Այսպիսով, այս տարվա սկզբին Իսլամական Հանրապետության նկատմամբ միջազգային պատժամիջոցների վրացումից հետո իրանական նավթի արտահանումն ավելի քան կրկնապատկվել Է: Խոսելով գազի արդյունահանման մասին՝ Զանգանեն հայտնել Է, որ Պարսից ծոցի Հարավային Փարս ընդարձակ հանքավայրում Իրանը վերջին երեք տարում գազի օրական հանույթն ավելացրել Է գրեթե մեկուկես անգամ՝ 241 միլիոնից մինչեւ 354 միլիոն խորանարդ մետր: Նախարարը բերել Է տվյալներ երկրում նավթավերամշակման եւ նավթաքիմիական արտադրության վերաբերյալ: Այդ ցուցանիշները վերջին երեք տարում ավելի քան կրկնապատկվել են: Մասնավորապես, եվրո-4 ստանդարտի բենզինի արտադրությունն օրական 1,2 միլիոն լիտրից աճել Է մինչեւ 2,5 միլիոն լիտր: Նախարարն օրենսդիրներին հիշեցրել Է, որ Իրանն ունի նավթի հետախուզված համաշխարհային պաշարների 9,3 տոկոսը եւ գազի՝ 18 տոկոսը: Վերջին ցուցանիշով Իսլամական Հանրապետությունն առաջատարն Է աշխարհում: Իրանի զանգվածային լրատվամիջոցների տվյալների համաձայն՝ այս տարվա մարտին Իրանն արդյունահանել Է օրական 3,3 միլիոն բարել նավթ: Այն ժամանակ նշվում Էր, որ ընթացիկ տարվա վերջին ծրագրվում Է օրական հանույթը հասցնել մինչեւ 4 միլիոն բարել, հաղորդել Է ՏԱՍՍ-ը: