Մոսին շարունակելու է հին ավանդույթները
Շաբաթներ առաջ Մովսես Հակոբյանի ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետի պաշտոնում նշանակումը ենթադրում էր, թե Սերժ Սարգսյանը ցանկանում է ի դեմս <<նոր մարդու>> բարեփոխել, առողջացնել խնդրահարույց ոլորտը: Գաղտնիք չէ, որ բանակում թույլ տրված ապօրինությունների, յուրացումների, ատկատների, բանակի փողը գրպանելու առյուծի բաժինը հենց այս ոլորտում է կատարվում՝ կեղծ պետգնումների, յուրայինների՝ մեծ տենդերները շահելու հնարավորությունների տակ հսկայական կոռուպցիա է թաքնված։ Զինուժի կառավարումը, ի վերջո, ենթադրում է ոչ միայն զուտ ռազմական, այլ նաեւ տնտեսական խնդիրնրեր, զինված ուժերի ռեսուրսային բազայի արդյունավետ տնօրինում, ինչի բացակայության պատճառով, փաստորեն,ազատվեց Հակոբյանի նախորդը՝Ալիկ Միրզաբեկյանը: Տարիներ շարունակ մամուլում հայտնված տեղեկությունները՝ բանակի մատակարարման, գնումների կասկածելի գործընթացի վերաբերյալ համառորեն անտեսվում էին, սակայն ապրիլյան պատերազմից հետո այլեւս անհնար էր: Մովսես Հակոբյանի նշանակումը կարարծես թե պայմանավորված էր այս հանգամանքով, Արցախից Երեւան տեղափոխված պաշտոնյան այստեղ «նոր մարդ» է ընկալվում եւ կաշկանդված չի լինի արդեն հաստատված որոշակի սխեմաներով: Սակայն ՊՆ-ում հունիսի 10-ին մատակարարների հետ հանդիպումը կարելի է ասել լակմուսի թուղթ դարձավ Հակոբյանի համար ու պարզվեց, որ վերջինն ընդունակ չէ անգամ լսելու մատակարարների առաջարկները, նրանց օբյեկտիվ քննադատությունները: Հակոբյանը իրենց պահել է այնպես, որից հասկանալի է դարձել, որ շարունակվելու են <<հին ավանդույթները>> ու մատակարարները չեն, որ պիտի խորհուրդ տան Հակոբյանին: Թեպետ Մոսին մատակարարներին հավաքել է մի հարկի տակ, որպեսզի տպավորություն ստեղծի, որ այսուհետ ՊՆ գնումների համակարգում ստվերային երեւույթները՝ մեկ աղբյուրից գնումները, հովանավորչությունը ՊՆ ղեկավարության կողմից եւ այլ բացթողումներ բացառվելու են։ «Այս օրերին ես շատ եմ լսել մատակարարներից՝ ոնց ասել են, տենց ենք արել, հիմա էլ ոնց կասեք՝ տենց կանենք։ Այդ բառակապակցությունն ինձ մոտ չօգտագործեք, դա ինձ համար վիրավորական է, ես ամեն ինչ անելու եմ օրենքի սահմաններում»,- վստահեցրել է Մովսես Հակոբյանը, սակայն մարդկանց չլսելու անթաքույց ցանկությամբ ցույց տվել, որ ինքն է լինելու դրության տերը ու լինեելու է այնպես, ինչպես իրեն է հարմար: Պաշտպանության նախարարության գնումների գործընթացից։ «Վագա Ֆարմ» ընկերության տնօրենը մի օրինակ է բերում. նախարարությունն իրենց խորհուրդ է տվել դեղերի տեխնիկական բնութագրերը ներկայացնելիս նշել պիտանելիության ժամկետը, բայց հենց այդ պատճառով էլ իրենց հեռացրել են մրցույթի մասնակիցների ցանկից։ «Անհեթեթություն է, աբսուրդ է, ասել են՝ պիտանելիության ժամկետը մեզ ներկայացրեք, որ տեսնենք՝ մեզ բավարարո՞ւմ է, թե՝ չէ, ներկայացրել ենք, ասում են իրավունք չունեիք ներկայացնելու»,- նշում է Վահե Վարսանյանը։Ընկերության ներկայացուցիչը Մովսես Հակոբյանին տեղեկացնում է, որ «Վագա Ֆարմը» դեղեր է մատակարարել նախարարությանը, սակայն գումարներն այդպես էլ չի վճարվել։Վահե Վարսանյանը խորհուրդ է տալիս ուսումնասիրել իրավիճակը։ Ինչին ի պատասխան՝ Մովսես Հակոբյանն ասաց. «Դու մեզ խորհուրդներ մի տուր»։ Վարսանյանը պատասխանեց. «Ես խնդրում եմ դու-ով իմ հետ չխոսաս»։ Հակոբյանն ընդունեց նկատողությունը և հարցին լուծում առաջարկեց. «Ներողություն եմ խնդրում, մեզ խորհուրդներ մի տվեք, եթե կա խնդիր, կդիմեք, ես Ձեզ կպատասխանեմ»։ Քաղաքացու հետ պատճաշ շփվելու անկարողությամբ աչքի ընկած գեներալն օրեր անց սրբագրել է իրեն՝ ասելով, թե ինքը ներողություն է խնդրել տվյալ քաղաքացուց եւ ամեն ինչ նորմալ է, սակայն սա թերեւս այն դեպքն է, երբ ներողություն խնդրելով եւ PR անելով հնարավոր չէ բանակ պահ, պաշտպանություն իրականացնել: Իսկ որ Հակոբյանը փորձառու եւ իր գործին գիտակ ռազմական պաշտոնյա է, դրանում որեւէ մեկը չի կարող կասկածել: Սակայն որքան մեծ է Հակոբյանի ավանդը ռազմական գործում ու նա զինվորական այն պաշոնյաներից է, որը լավ գիտե իր աշխատանքը, այդուհանդերձ Հակոբյանն այն արտոնյալ պաշտոնյաներից է, որի ահռելի հսկայական ունեցվածքի մասին մամուլը հաճախ է անդրադարձ կատարում,իսկ նման պաշտոնյան չի կարող օրինավոր ճանապարհով առաջ ընթանալ, քանիզի ինքնը բարձունքներ նվաճել է ոչ օրինական աշխատանքի միջոցով: Անի Սահակյան
Հետևեք մեզ Viber-ում
