Աճուրդի կհանվեն Օդրի Հեփբերնի մինչ օրս անհայտ նամակները

Լոնդոնում վաճառքի են հանվելու Օդրի Հեփբերնի գրած 10 նամակները, որոնք դերասանուհին հասցեագրել էր իր ուսուցիչ և վաղեմի ընկեր սըր Ֆելիքս Էյլմերին: Ինչպես հաղորդում է BBC-ն` նամակները բացահայտում են էկրանի «ծովահարսի» կյանքի դրամատիկ տասնամյակի ընթացքը, թե ինչպես է բալետի անհայտ պարուհին դարձել Հոլիվուդի ամենահայտնի ու սիրված դերասանուհիներից մեկը: Աճուրդի հանվելիք նամակներում, որոնք գրվել են 1951-1960 ական թվականներին, դերասանուհին պատմում է իր չստացված նշանադրության, ամուսնության, անհաջող հղիությունների և առաջնեկի լույս աշխարհ գալու մասին: Նամակները գնահատվում են 4000 ֆունտ ստերլինգ: 1951-ին գրված նամակներից մեկում 22-ամյա Հեփբերնը նկարագրում է Մոնտե Կառլոյում ֆրանսիական ֆիլմերից մեկի նկարահումները, որում խաղալը նա անվանում է «իր հետ երբևէ պատահած լավագույն բանը»: