ԵԽԽՎ համազեկուցողները կժամանեն Ադրբեջան
Եվրոպայի խորհրդի խորհրդարանական վեհաժողովի համազեկուցողներ Ստեֆան Շեննակը և Սեզար ֆլորին Պրեդան հունիսի 15-17-ը կլինեն Ադրբեջանում: Այս մասին հայտնում է Haqqin.az-ը՝ հղում տալով ԵԽԽՎ մամուլի ծառայությանը: Ինչպես հաղորդվում է՝ այցի շրջանակում ԵԽԽՎ համազեկուցողները հանդիպումներ կունենան Ադրբեջանի նախագահ Իլհամ Ալիևի, Միլի Մեջլիսի խոսնակ Օքթայ Ասադովի, գլխավոր դատախազ Զաքիր Գարալովի, արդարադատության նախարար Ֆիքրետ Մամեդովի, Կենտրոնական ընտրական հանձնաժողովի նախագահ Մազահիր Փանախովի հետ:
