Ձերբակալվել է Ակտյուբինսկի մարզի պաշտպանության դեպարտամենտի ղեկավարը

«ՌԻԱ Նովոստի»–ն՝ վկայակոչելով Ազգային բյուրոյի մամուլի ծառայությունը հայտնում է,որ  Ղազախստանի Ակտյուբինսկի մարզի պաշտպանության գործերով դեպարտամենտի ղեկավար Գալիմժան Ժանտուրինը ձերբակալվել է  Կաշառակերության դեմ պայքարի ազգային բյուրոյի շրջանային դեպարտամենտի կողմից կաշառակերության կասկածանքով։ «Պարզվել է, որ Ժանտուրին Գ.–ն շորթման ճանապարհով պաշտպանության գործերով դեպարտամենտի շրջանային բաժինների ղեկավարներից  պարբերաբար կաշառք է վերցրել՝ անարգել բժշկական հանձնաժողովի զննումներն անցնելու եւ ռազմատեխնիկական դպրոցի սանի թեկնածու դառնալու, ժամկետային ծառայությունից տարկետում ստանալու եւ զինծառայողների հովանավորչության համար»,– հայտնել են Բյուրոյից։ Ձերբակալությունն իրականացվել է Ակտոբեում կատարված դեպքերի ֆոնին։