Youtube վիդեոհոսթինգը սգո ժապավենով է
Աշխարհի խոշորագույն՝ Youtube վիդեոհոսթինգը, որը մտնում է Google կորպորացիայի մեջ, իր տարբերանշանին սգո ժապավեն է կցել Օռլանդոյում տեղի ունեցած ողբերգությունից հետո, որտեղ 29-ամյա Օմար Մատինը կրակելով սպանել է 50 մարդու։ Այս մասին հայտնում է RIA Novosti-ն։ Սգո ժապավենը տեղադրվել է տարբերանշանից աջ։ Որևէ պաշտոնական հայտարարություն ռեսուրսի գլխավոր էջում չկա։ Այլ խոշոր սոցցանցեր դեռևս որևէ փոփոխություն չեն արել իրենց տարբերանշաններում՝ կապված ողբերգության հետ։