ԱՄՆ-ից ստացված 1.7 մլրդ դոլարով Իրանում ռազմական ծախսերն են հոգացել

Իրանի իշխանությունները երկրի ռազմական հզորության ավելացմանն են ուղղել ԱՄՆ-ից ստացված 1.7 մլրդ դոլարը։ Այս մասին գրում է The Washington Free Beacon պարբերականը: «Իսլամական պետությունն իր ռազմական ուժի հզորացման և ամրապնդման համար ծախսել է ԱՄՆ-ից ստացված 1.7 մլրդ դոլար գումարը, որը վճարվել էր ամերիկացի հարկատուների միջոցներից»,- ասվում է հոդվածում: Այս տարվա սկզբին ԱՄՆ-ի վարչակազմն Իրանին է վճարել 1.7 մլրդ դոլար` մի քանի տասնամյակ շարունակվող իրավական վեճերը կարգավորելու նպատակով: Աղբյուրը վստահեցնում է, որ Իրանը կարող էր ծախսել այն ինչպես Պարսից ծոցում իր ռազմական ներկայության մեծացման, այնպես էլ ռուսական բազմաթիրախային Су-30СМ կործանիչներ և C-400 զենիթահրթիռային համակարգեր գնելու համար, փոխանցում է ՏԱՍՍ գործակալությունը: ԱՄՆ Կոնգրեսում կարծում են, որ այդ գումարը վճարվել է Իրանում կալանքի տակ գտնվող ամերիկացիների ազատ արձակման դիմաց: Օրենսդիրներն անցկացնում են իրենց սեփական հետաքննությունը տվյալ հարցի վերաբերյալ: ԱՄՆ Պետդեպը ոչ մի կերպ չի մեկնաբանում տեղեկությունը: