ԻՊ-ի որոշ գործողություններ կարող են գնահատվել որպես ցեղասպանության ակտեր. ՄԱԿ

ՄԱԿ-ն անդրադարձել է «Իսլամական պետություն» ահաբեկչական խմբավորման կողմից Իրաքում իրականացվող գործողություններին՝ որակելով այն ցեղասպանություն:«Իսլամական պետություն» ահաբեկչական խմբավորման քայլերը կարող են գնահատվել որպես պատերազմական հանցագործություններ, մարդկության դեմ հանցագործություններ եւ, հնարավոր է նույնիսկ, որպես ցեղասպանության ակտեր: Այսպես կոչված «Իրաքի եւ Լեւանտի իսլամական պետությունը» շարունակում է կատարել բռնության եւ մարդու իավունքների եւ միջազգային հումանիտար իրավունքի խախտման սիստեմատիկ եւ լայն ընդգրկուն ակտեր: Ասված է զեկույցում, որը հիմնված Է բռնությունից տուժած մարդկանց վկայությունների վրա: Մասնավորապես, բազմաթիվ վկայություններ կան այն մասին, որ սպանությունները դարձել են «սոսկալի հրապարակային ներկայացումներ», երբ ԴԱԻՇ-ի անդամները գլխատել են մարդկանց, ողջ-ողջ հրկիզել, ցած նետել տներից, գցել բուլդոզերների տակ, հաղորդել է ՏԱՍՍ-ը: