Ռուսաստանը ներկայացրել է ամենաժամանակակից ինքնաթիռը. տեսանյութ

Իրկուտսկում ավիացիոն գործարանում առաջին անգամ ներկայացվել է նոր ուղևորատար МС-21 ինքնաթիռը: Արարողությանը ներկա է եղել Ռուսաստանի վարչապետ Դմիտրի Մեդվեդևը, ով այն անվանել է աշխարհում ամենաժամանակակից ինքնաթիռներից մեկը, գրում է «ՌԻԱ Նովոստի»-ն: МС-21-ը նոր սերնդի ուղևորատար ինքնաթիռների ընտանիք է, որն իր մեջ ներառում է ինքնաթիռների և շարժիչների, համակարգերի ստեղծման ոլորտում նոր զարգացումները: МС-21-300-ի առաջին թռիչքը նախատեսված է 2016 թվականի դեկտեմբեր-2017 թվականի փետրվարին: Ինքնաթիռների առաջին շահագործողները կդառնան 50 օդանավ պատվիրած «Аэрофлот» խմբի ավիաընկերությունները: Ինքնաթիռների ևս մեկ պատվիրատու է դարձել «Ադրբեջանական ավիաուղիները»: