ԵՄ-ն արգելափակել է Վրաստանի համար վիզային ռեժիմի մասին բանաձևը

Գերմանիան և Եվրամիության անդամ մի շարք այլ երկրներ արգելափակել են Վրաստանի համար վիզային ռեժիմի ազատականացման մասին բանաձևի ընդունումը: Ինչպես տեղեկացնում է DW.com-ը, վկայակոչելով իրազեկ աղբյուրին, այս հարցով քվեարկությունը, որը նախատեսված էր անցկացնել ուրբաթ` հունիսի 10-ին, հանվել է ԵՄ ՆԳ նախարարների հանդիպման օրակարգից: Վրաստանի հետ վիզային ռեժիմի ազատականացման հակառակորդները մտավախություն ունեն, որ մուտքի արտոնագրի պատնեշի բացակայությունից կօգտվեն վրացական ավազակախմբերի անդամները, որը կհանգեցնի հանցագործների ազատ մուտքին Եվրամիության երկրներ: Այս քայլի նպատակահարմարությունը կասկածի տակ է առել նաև Իտալիան: Այս հայտարարությունից առաջ Եվրահանձնաժողովը պաշտոնապես հաղորդել էր, որ Թբիլիսին կատարել է վիզային ռեժիմի չեղարկման համար անհրաժեշտ բոլոր պայմանները: