«Վատ չէր լինի, եթե Էրդողանը սկսեր ներողություն խնդրելուց». Սերգեյ Սոբյանին

Ռուսական RIA Novosti լրատվական գործակալության փոխանցմամբ՝ Մոսկվայի քաղաքապետ Սերգեյ Սոբյանինը, մեկնաբանելով Ռուսաստանի հետ երկխոսության վերականգնման համար քայլերի մասին Թուրքիայի նախագահ Ռեջեփ Էրդողանի խոսքերը, նրան խորհուրդ է տվել ներողություն խնդրել «Սու-24»-ի խոցման համար։ Սոբյանինն այդ մասին գրել է Twitter-ի իր միկրոբլոգում. «Վատ չէր լինի սկսել ներողություն խնդրելուց»։ Ավելի վաղ Ռուսաստանի նախագահի մամլո քարտուղար Դմիտրի Պեսկովը, նույնպես մեկնաբանելով Էրդողանի խոսքերը, հայտարարել էր, որ Ռուսաստանը Թուրքիայից ակնկալում է ներողություն ու փոխհատոցում 2015 թվականի նոյեմբերի 24-ին ռուսական «Սու-24» ինքնաթիռը խոցելու համար։