20-30 հազար անդամ ունեցող ԴԱԻՇ-ը վերահսկում է Սիրիայի տարածքը

Son dakika լրատվական կայքի փոխանցմամբ` Թուրքիայի արտգործնախարար Մևլութ Չավուշօղլուն քննադատել է ԵՄ-ին` Թուրքիային հակաահաբեկչական օրենսդրության մեջ ուղղումներ կատարելու պահանջ ներկայացնելու համար: Չավուշօղլուն կարևորել է ահաբեկչության դեմ պայքարի ռազմավարություն ունենալը: Նրա խոսքերով` ԴԱԻՇ ահաբեկչական խմբավորումը, որն ունի 20.000-30.000 անդամ, վերահսկում է Սիրիայի տարածքի 45 և Իրաքի տարածքի 30 տոկոսը: Չավուշօղլուն հիշեցրել է, որ ԴԱԻՇ-ի դեմ միջազգային դաշինքն ունի 65 անդամ, սակայն դեռ գոյություն չունի պայքարի որևէ ազդեցիկ ռազմավարություն: Չավուշօղլուի խոսքերով` Թուրքիան Սիրիայից ընդունել է 2.7 միլիոն փախստականի, իսկ Իրաքից` 200.000 փախստականի և կարևորել է ահաբեկչական կազմակերպությունների դեմ պայքարում երկրների համագործակցությունը: