ՄԻԵԴ-ում Ռուսաստանի եւ Պուտինի դեմ հայց են ներկայացրել

Ավստրալական իրավաբանական ընկերությունը Malaysia Airlines ավիաընկերության Ամստերդամ-Կուալա-Լումպուր MH17 չվերթն իրականացնող եւ 2014-ի հուլիսի 17-ին Դոնբասում վթարի ենթարկված Boeing-777 –ի յոթ զոհի անունից Մարդու իրավունքների եվրոպական դատարանին (ՄԻԵԴ) փոխհատուցման հայց է ներկայացրել Ռուսաստանի եւ Ռուսաստանի նախագահ Վլադիմիր Պուտինի դեմ: Այդ մասին մայիսի   21-ին հայտնում է  Reuters-ը: Միջնորդությունը ներկայացվել է մայիսի  9-ին, փաստաթղթում Ռուսաստանը եւ Պուտինը նշված են որպես պատասխանողներ: Ընկերությունը փորձում է յուրաքանչյուր քաղաքացու համար  10 մլն փոխհատուցում ստանալ, հայտնում է «Վեդոմոստին»: