Բաղդադում բողոքի ցույցերի պատճառով սահմանվել է պարետային ժամ

Sputnik գործակալությունը՝ հղում անելով քաղաքի անվտանգության ուժերին հայտնում է,որ Իրաքի մայրաքաղաք Բաղդադում ցուցարարները գրոհել են «կանաչ գոտին», որտեղ գտնվում են կառավարական հաստատությունների ու դեսպանությունների շենքերը։ Իրաքի իշխանությունները հայտարարել են մայրաքաղաքում պարետայն ժամ սահմանելու մասին՝ կապված անկարգությունների հետ։ Փակվել է Բաղդադ ելումուտը։ Տեղի են ունեցել բախումներ անվտանգության ուժերի աշխատակիցների և ցուցարարների միջև «կանաչ գոտի» տանող Ալ-Ջումհուրիա կամրջի վրա։ Անվտանգության ուժերին հաջողվել է ազատել վարչապետի գրասենյակն այնտեղ ներխուժած ցուցարարներից։ Sky News Arabiya հեռուստաալիքը հայտնել է,որ  ցույցերի ժամանակ կա  3 զոհ և մի քանի տասնյակ վիրավոր: