Մենք չենք ցանկանում նոր «սառը պատերազմ» ՌԴ-ի հետ.Սթոլթենբերգ

«ՌԻԱ Նովոստի» գործակալությունը հայտնում է,որ  ՆԱՏՕ գլխավոր քարտուղար Ենս Սթոլթենբերգը հայտարարել է, որ դաշինքը նպատակ չի հետապնդում նոր «սառը պատերազմ» սկսել Ռուսաստանի հետ։ «Մենք վաղուց հետևում ենք, թե ինչպես է Ռուսաստանն ինտենսիվորեն ներդրումներ կատարում զինված ուժերում»,- ասել է պաշտոնյան։ ՆԱՏՕ-ի գլխավոր քարտուղարի խոսքով՝ դաշինքն ի պատասխան Ռուսաստանի գործողությունների է ամրապնդում իր պաշտպանությունը, ինչպես նաև խուսափում իրավիճակի սրումից ու աջակցում բաց երկխոսությանը։ «Սա ռազմավարական գործընկերություն չէ, որը մենք փորձում էինք ստեղծել «սառը պատերազմից» հետո։ Միևնույն ժամանակ, սա առճակատում չէ, մենք չենք ցանկանում նոր «սառը պատերազմ»»,- ասել է նա։ Սթոլթենբերգն ընդգծել է, որ դաշինքի ուժերի ամրապնդումն արևելյան թևում որպես ազդանշան է ծառայում առ այն, որ «ՆԱՏՕ-ն կպաշտպանի բոլոր դաշնակիցներին, որոնց ուղղված սպառնալիք գոյություն ունի, դա ՆԱՏՕ-ի հիմնական  ուղերձն է»։ ՆԱՏՕ-ի՝ արևելյան թևում ռազմական ներկայության մասին որոշումը կկայացվի հուլիսի սկզբին, Վարշավայում, կառույցի գագաթնաժողովի ժամանակ