Forbes հանդեսն առաջին անգամ կազմել է ռուսաստանցի միլիարդատերերի ամենահարուստ ժառանգորդների ցուցակը: 8,9 մլրդ դոլար պոտենցիալ ժառանգությամբ վերին հորիզոնականն զբաղեցրել է «Լուկօյլ» ընկերության ղեկավար Վագիթ Ալեքպերովի որդին՝ Յուսուֆը, տեղեկացնում է BBC-ն:
Ինչպես գրում է Forbes-ը, հանդեսի վերջին վարկանիշում տեղ գտած բոլոր միլիարդատերերի ընդհանուր կարողությունը կազմել է 283 մլրդ դոլար: Նրանց երեխաների ընդհանուր թիվը 243 է: Եթե ընդհանուր ժառանգությունը բաժանվեր հավասար բաժիններով, ապա յուրաքանչյուր երեխային կհասներ 1 մլրդ դոլարից փոքր-ինչ ավելի:
Հանդեսում ընդգծում են, որ ցուցակը չի կարելի համարել «ժառանգորդների լիարժեք վարկանիշ», քանի որ դրանում հաշվառված չեն միլիարդատերերի կարողությունների այն բաժինները, որոնք պատկանում են նրանց ամուսիններին: «Հաշվարկներում պարզության համար բիզնեսմենի ողջ կարողությունը բաժանվել է նրա կողմից ճանաչված բոլոր երեխաների վրա»,- գրում են վարկանիշի հեղինակները:
Առաջին հորիզոնականն զբաղեցրել է Յուսուֆ Ալեքպերովը՝ «Լուկօյլ» նավթընկերության ղեկավար Վագիթ Ալեքպերովի որդին, որը հնարավորություն ունի ժառանգել 8,9 մլրդ դոլար: նրանից փոքր-ինչ հետ է մնում չորս տարեկան Տարա Մելնիչենկոն՝ «Եվրոխիմ» եւ ՍՈւԷԿ ընկերությունների սեփականատիրոջ՝ Անդրեյ Մելնիչենկոյի դուստրը՝ 8,2 մլրդ դոլար պոտենցիալ ժառանգությամբ:
Ինչպես գրում են վարկանիշի հեղինակները, Լեոնիդ Միխելսոնի դուստրը՝ Վիկտորյան, պետք է լիներ առաջին հորիզոնականում, բայց 2015 թվականին Forbes-ի վերջին ցուցակում Ռուսաստանի ամենահարուստ մարդը որդի ունեցավ, եւ նրա կարողությունը (14,4 մլրդ դոլար) հարկ եղավ բաժանել երկու երեխաների միջեւ:
Ցուցակում նաեւ տեղ են գտել «Ալֆա-Գրուպ»-ի սեփականատիրոջ՝ Ալեքսեյ Կուզմիչեւի որդին (6,7 մլրդ դոլար), Գենադի Տիմչենկոյի երեք երեխաները (3,8-ական մլրդ դոլար), «Ալֆա-Գրուպ»-ի ևս մեկ սեփականատիրոջ՝ Միխայիլ Ֆրիդմանի չորս զավակները (3,3-ական մլրդ դոլար) և քսանյակը եզրափակող Ալեքսեյ Մորդաշովի 6 զավակները:
Նշվում Է, որ միլիարդատերերի երեխաների շրջանում առավել մեծ ժողովրդականություն վայելող բուհը մնում է Մոսկվայի միջազգային հարաբերությունների պետական ինստիտուտը, իսկ մասնագիտությունը՝ Էկոնոմիկան եւ մենեջմենթը:
Հուլիսի 13-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հուլիսի 13-ին՝ ժամը 14։00-ին, Հայելի ակումբի հյուրն է Լևոն Զուրաբյանը
Հուլիսի 13-ին՝ ժամը 12։00-ին, Հայելի ակումբի հյուրն է Կարինե Նալչաջյանը
Հուլիսի 13-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հետևեք մեզ Viber-ում
