Զանգվածային միգրացիան հնարավոր չէ կասեցնել.Մոգերինի

«Հնարավոր չէ կանգնեցնել Եվրամիություն ներգաղթյալների հոսքը, սակայն կարելի է գտնել օրինական ուղիներ՝ միության երկրներ նրանց ժամանման համար: Մենք՝ եվրոպացիներս, պետք է վերջապես հասկանանք, որ մարդկանց զանգավածային տեղաշարժը մեր ժամանակների ֆենոմեն է: Մենք չենք կարող կասեցնել միգրացիան, այդ թվում՝ Եվրոպա, սակայն դա հնարավոր է հաղթահարել»,-  գերմանական Welt թերթին տված հարցազրույցում հայտարարել է Եվրամիության դիվանագիտության ղեկավար Ֆեդերիկա Մոգերինին: «Միակողմանի ազգային միջոցառումները ոչինչ չեն տա, դա ավելի շատ համաեվրոպական խնդիր է: ԵՄ-ն կարիք ունի գործիքների՝ միգրացիան վերածել օրինական, ընդհանուր միգրացիոն քաղաքականության, ռեադմիսիայի մասին համաձայնագրերի և համագործակցության՝ Աֆրիկայում տնտեսական զարգացմանը նպաստելու համար»,- կարծում է Մոգերինին: «Մենք մտադիր ենք սերտորեն համագործակցել այնպիսի պետությունների հետ, ինչպիսին է Նիգերը ու միաժամանակ լավացնել տնտեսական վիճակը փախստականների հայրենի երկրներում»,- հավելել է նա: Միաժամանակ, Մոգերինին հայտնել է, որ ԵՄ-ի ուժերի օպերացիայի ժամանակ Միջերկրական ծովում 6 ամսում ոչնչացվել է ավելի քան 100 նավ, որոնք անօրինական կերպով տեղափոխել են ներգաղթյալների, ձերբակալվել է 69 մարդ, որոնք զբաղվել են այդ բիզնեսով: «Շուրջ 13 հազար մարդու, որոնք աղետի էին ենթարկվել, հաջողվել է փրկել մեր ռազմաօդային ուժերի կողմից»,- հիշեցրել է ԵՄ դիվանագիտության ղեկավարը: