Լիբիայի նկատմամբ զենքի էմբարգոն չեղարկվել է

Վիեննայում Լիբիայի հարցով հանդիպման ժամանակ ավելի քան 20 երկրների ներկայացուցիչները ընդունել են, որ Լիբիայի ազգային համաձայնության կառավարությունը միակ օրինական կառավարությունն է ու կոչ են արել լիբիացիներին կառուցել ազգային ժողովրդավարական պետություն: Հանդիպման մասնակիցները պայմանավորվել են չեղարկել Տրիպոլիի նկատմամբ զենքի էմբրագոն, Վիեննայում հայտնել է ԱՄՆ պետքարտուղար Ջոն Քերին : Քերին նաեւ հայտնել է, որ ԱՄՆ-ն այս պահին չի դիտարկում Լիբիայում ռազմական ինտերվենցիայի հնարավորությունը: «Մենք հիմա օգնության ու աջակցության ցուցաբերման ռեժիմում ենք,-ասել է նա մամուլի ասուլիսի ժամանակ: «Մենք աջակցում ենք ներկա կառավարությանը ու օգնում պայքարել ԻՊ-ի դեմ»,- ասել է Քերին, շեշտելով, որ Վաշինգթոնը ազդեցություն ունի երկրում լարվածության մակարդակի նվազեցման վրա : Վիեննայում միջազգային համաժողովի մասնակիցները մայիսի 16-ին հայտնել են, որ պատրաստ են զենք մատակարարել Լիբիայի՝ մայիսին ստեղծված նախագահական գվարդիային: Ենթադրվում է, որ ռազմական օգնությունը կցուցաբերվի ՄԱԿ-ի ԱԽ–ի բանաձեւերի համապատասխան, որոնք թույլ են տալիս զենք մատակարել երկրի կառավարությանը ՝ ԱԽ-ի պատժամիջոցային հանձնաժողովից նախապես թույլատվույթուն ստանալու դեպքում: Ազգային համաձայնության կառավարության ղեկավար Ֆաիզ Սարաջը հայտնել է, որ Լիբիայի ԱՀԿ-ին զենքի մատակարումները կսկսվեն մոտ ժամանակներս, հնարավորինս սեղմ ժամկետներում կձեւավորվի ահաբեկչության դեմ պայքարի համար անհրաժեշտ զենքի ու զինամթերքի ցանկով դիմումը: