Amnesty International-ը դատապարտել է Ադրբեջանում երիտասարդ ակտիվիստների կալանավորումը
Ադրբեջանական Turan լրատվական գործակալության փոխանցմամբ՝ Amnesty International միջազգային իրավապաշտպան կազմակերպությունը դատապարտել է Ադրբեջանում 22-ամյա Գիյաս Իբրահիմովի ու 21-ամյա Բայրամ Մամեդովի կալանավորումը: Երիտասարդ անձինք մեղադրվել են թմրանյութերի ապօրինի շրջանառության համար: Դա տեղի է ունեցել այն բանից հետո, երբ նրանք վիրավորական արտահայտություններ էին գրել Հեյդար Ալիևի հուշարձանի պատվանդանին: Amnesty International-ը համոզված է, որ երիտասարդների դեմ մեղադրանքները հնարովի են և ունեն քաղաքական դրդապատճառներ: AI-ն Ադրբեջանի իշխանություններին կոչ է արել անկողմնակալ հետաքննություն անցկացնել առաջ քաշված մեղադրանքների ու նրանց հետ վատ վարվելու շուրջ: