Ի՞նչ են քննարկել Նիկոլ Փաշինյանն ու Էդմոն Մարուքյանը (video)
ԱԺ-ում լրագրողների հետ ճեպազրույցում «Լուսավոր Հայաստան» խմբակցության ղեկավար Էդմոն Մարուքյանը, անդրադառնալով վարչապետ Նիկոլ Փաշինյանի հետ կայացած այսօրվա փակ հանդիպմանն, ասել է. «Արցախի հարցն այն հարցն է, որի դեպքում բոլորս համախմբված ենք: Երեկ ԱԺ-ում հարցուպատասխանի ժամանակ արված հայտարարությունը՝ կապված հայ ժողովրդի ցանկությունների հետ՝ Արցախի ինքնորոշման, կարգավիճակի վերաբերյալ: Կարծում եմ՝ ժամանակ առ ժամանակ կարիք կա նման քննարկումներ ունենալու, նման ճշտումներ անելու: Արտգործնախարարին երևի մոտ 6 ամիս առաջ ենք հրավիրել մեզ մոտ: Կարճ կարող եմ ասել, որ Արցախի հիմնախնդրով այն շահարկումները, որոնք կան, դրանք ինձ համար ի սկզբանե փարատված էին, հիմա էլ՝ առավել ևս: Այն, ինչը հրապարակային հայտարարվել է, դրանից դուրս, ըստ էության, որևէ մտահոգիչ բան չկա»,- շեշտեց Է. Մարուքյանը:
Մանրամասները՝ տեսանյութում.
Հետևեք մեզ Viber-ում
