Իսպանացիներին թույլ են տվել դուրս գալ զբոսանքի և վերսկսել մարզումները

Իսպանացիները մարտի կեսերին կորոնավիրուսի բարձր պատրաստվածության ռեժիմի սահմանումից հետո առաջին անգամ դուրս են եկել զբոսանքի և վերսկսել են մարզումները, գրում է The New York Times-ը։

Մի շարք քաղաքներում բացվել են զբոսայգիներ, սակայն մարդկանց կուտակումներից խուսափելու համար երկրի իշխանությունները ժամանակացույց և կանոններ են սահմանել․ 14 տարեկանից բարձր մարդիկ կարող են զբոսնել և անհատական մարզաձևերով զբաղվել 06.00-ից մինչև 10.00-ը և 20.00-ից մինչև 23.00-ը:10.00-ից մինչև 12.00-ը և 19.00-ից մինչև 20.00-ը կարող են զբոսնել 70-ից բարձր իսպանացիները: