Ավինյանի օրերը հաշված են. ով է փոխարինելու

Այսօր առավոտից տարբեր աղբյուրներ հայտնում են, որ փոխվարչապետ Տիգրան Ավինյանը ազատման դիմում է գրել: Պաշտոնապես հերքվեց այդ տեղեկությունը, բայց դա չի նշանակում, թե հենց պաշտոնական տեղեկությունն է իրականությունը: Բավական է հիշել Արթուր Վանեցյանի հրաժարականի ոդիսականը, թե ինչպես էին սկզբում հերքում, բայց մեկ շաբաթ տեղի ունեցավ հրաժարականը: Այն, որ Ավինյանը Փաշինյանի համար դարձել է անցանկալի անձ, այդ մասին խոսում են բոլորը, Փաշինյանը հենց Ավինյանի մեջ է տեսնում իր հիմնական մրցակցին, ով երկու տարվա ընթացքում հասցրել է վաստակել կառավարության գորշ կարդինալի տիտղոսը: Ըստ այդմ, Ավինյանի օրերը հաշված են, նրա փոխարինողի անուն է շրջանառվում ի դեմս Հանրապետություն կուսակցության նախագահ Արամ Սարգսյանը, թերեւս սահմանադրական հանրաքվեի քարոզարշավում Սարգսյանի անուրանալի ծառայությունը Փաշինյանը թանկ է գնահատում: Ինչպես նաեւ այդ նշանակումը Լավրովի աղմկոտ հայտարարությունից հետո պատասխան է լինելու Ռուսաստանին: