Պատիվ ունեք, թե փորացավ. Ալեն Սիմոնյանի մորմոքը

Նոր Հայաստանում այլեւս ունեն կրկեսի վերածված խորհրդարան, որտեղ պարզորոշ է դառնում այս իշխանության մեղմ ասած՝ այլանդակ դեմքը: Այն քննարկումը, որ ծավալվեց արտահերթ նիստում ընդդիմության եւ իշխանության միջեւ, հատեց բոլոր սահմանները: Այն վեր էր մարդկային, տղամարդկային, եւ առհասարակ ցանկացած սահմանից: Իշխանության լակոտայրատիայի կարկառուն ներկայացուցիչ ԱԺ փոխխոսնակ Ալեն Սիրմոնյանը որոշել է փայլատակել , բայց այս անգամ ոչ թե Նիկոլ Փաշինյանի կեղտոտ հանձնարարականները կատարելով, այլ կնոջ նկատմամբ ցածրորակ եւ ցինիկ խոսքով: «Տիկին Սամսոնյան, ներողություն եմ խնդրում, բայց ես ամուսնացած եմ, առաջարկում եմ իմ մասին ավելի քիչ խոսել, դա տգեղ է դիտվում․․․», ասում է Ա․ Սիմոնյանը ԼՀԿ պատգամավոր Անի Սամսոնյանին:
Քաղաքական գործիչը կարող է քննադատել մեկ այլ քաղաքական գործչի՝ որքան կա դրա կարիքը, անկախ սեռային պատկանելությունից։ Ալեն Սիմոնյանը մինչդեռ դիմացինին որոշեց չափել սեփական արշինով, իր դաստիարակության,կրթության ու մտաընկալումների տիրույթում: Սա, անշուշտ, ԱԺ մատգամավորին, առավել եւս փոխնախագահին վայել պահվածք չէ, այլեւ տղամարդուն : Ու ցավալին այն է, որ հենց այս մարդիկ են որոշում մեր՝ քաղաքացիներիս ճակատագիրը, այս բախտախնդիրները ստանձնել են պետության ղեկն ու իրենց հետամնաց ուղեղներով որոշել մեր կյանքը դարձնել փորձադաշտ: Պատկերացնել կարելի է, թե սրանց նմանները, որոնք մեկ օր առաջ թմբկահարում էին, թե նոր՝ հանճարեղ օրենք են գրել հեռուստաեթերում էթիկա հաստատելու վերաբերյալ, ինչպիսի էթիկա են հաստատելու՝ դիմացինին ծաղրող, հեգնող, սեռաաղցության ու լկտիության: Ձեր բառապաշարն ու մտածողությունը խոսում է ձեր ընտանիքների, ձեր մասին, բանավեճն իջեցնել շրիշակից ցածր մակարդակի, նույնիսկ իրենց թույլ չեն տա թաղի զրուցարաններում պպզող պարապ մնացած տղաները: Եւ թող ներեն Շմայսն ու Սեյրան Սարոյանը, բայց նոր Հայաստանի իբր նոր քաղաքական մշակույթի էժանագին այս դրսեւորումը ստվերեց նախկինների փայլը:
Իշխանությունն ու ընդդիմությունը ողջ օրը միմյանց մեղադրեցին պոպուլիզմի մեջ: Երբ ընդդիմությունն է դրանով զբաղվում, ինչ որ տեղ կարելի է հասկանալ, ով ով, բայց Նիկոլ Փաշինյանը անձամբ արժանին պետք է մատուցի նման ընդդիմադիրներին, քանզի իր ողջ ընդդիմադիր կարիերան նա ծաղկեցրեց հենց պոպուլիզմի շնորհիվ, բայց երբ դրանով զբաղվում է իշխանությունը, այն էլ, երբ երկրի տնտեսությունը վարի է գնում, մարդիկ բառի ուղիղ իմաստով սովի են մատնված, բայց բոլորից շուտ այդ իշխանությունն է գոռում՝ լռեցրեք պոպուլիսներին, առաջին բանը, որ մտածում ես, այն է, որ այս մարդիկ հոգեբանական խորհրդատվության կարիք ունեն…
«Կեթաս Միշիկիդ հետ դու-ով կխոսես: Հոգնածը դու ես, քաղաքական տրյապկա, հանգստացիր» սա էլ է նոր Հայաստանի բարեկիրթ ու ժողովրդավար իշխանության նույն ներկայացուցչի խոսքերն, այս դեպքում ուղղված Էդմոն Մարուքյանին: Հետաքրքիր է՝ Ալեն Սիմոնյանը միգուցե տառապում է տվյալ անձնավորության համար, ում անունը հնչեցնում է շաբաթվա ընթացքում առնվազն յոթ անգամ: Իսկ միգուցե Ալեն Սիմոնյանը իր ցավը մորմոքելու համար զանգի իր երբեմնի ընկերոջը՝ Արթուր Վանեցյանին, ով բոլորովին վերջերս հրապարակային խոստովանեց, որ Միքայել Մինասյանին հանդիպել է մեկ անգամ, այն էլ վարչապետի հանձնարարությամբ: Կամ թող աղաչի-պաղատի իր վարչապետին, գուցե նա կիսվի իր ցավերի մասին ու վերջապես պատիվ ունենա ու խոստովանի, թե ինչու է Վանեցյանին ուղարկել Միքայել Մինասյանի դուռը, միգուցե բոլորիդ փորացավերը կարողանանք բուժել, բոլորդ հաշտ ու խաղաղ ապրեք ձեր կյանքով:

Անի Սահակյան