Նիկոլ Փաշինյանը պետք է ազատ արձակի Ռոբերտ Քոչարյանին և ներողություն խնդրի. Անդրանիկ Միհրանյան (տեսանյութ)

Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ «Միջազգային հարաբերություններ» ինստիտուտի պրոֆեսոր, քաղաքագետ Անդրանիկ Միհրանյանը ընդգծեց, որ Հայաստանում թե՛ Ռոբերտ Քոչարյանի, թե՛ Սերժ Սարգսյանի կառավարման ժամանակ, ՌԴ-ի կողմից երբեք առաջ չի քաշվել մի փաստաթուղթ, որը կարող է Հայաստանին այսպիսի դրության մեջ գցել։  «Իհարկե պատահական չէ, որ Լավրովը խոսում է ռուսական երկաթուղիների, Գազպրոմի, ՀՀ երրորդ նախագահ Սերժ Սարգսյանի դեմ բացված դատական գործերից։ ՀՀ-ում բանտում է գտնվում Ռոբերտ Քոչարյանը, ու այսքանով հանդերձ իրենք բազում ակնարկներ են արել, որոնց Հայաստանը ուշադրություն չի դարձրել, այդ դեպքում Հայաստանի նկատմամբ գործադրվում են այնպիսի գործոններ, որոնց հնարավոր չէ ուշադրություն չդարձնել»։

ՀՀ վարչապետ Նիկոլ Փաշինյանն ֆեյսբուքյան իր վերջին ուղիղ եթերի ժամանակ նորից անդրադարձել էր դատական համակարգին, Սահմանադրական դատարանին։

Դիտարկմանը՝ Սահմանադրական դատարանի ու դրա շուրջ ծավալվող իրադարձությունների և Արցախի հիմնահարցի շուրջ կապ կա՞ արդյոք, քաղաքագետը նշել է․ «Ամբողջ պետականությունն ընկել է դեմագոգ մի մարդու ձեռքին և տոտալիտար բռնապետություն չի հաստատվում, որովհետև միայն Սահմանադրական դատարանը չի ընկնում։ Եթե այս ինստիտուտն էլ կոտրվի, ուրեմն Հայաստանում կլինի մոնոպոլիա, որն անընդունելի է»։

Հաղորդման վերջում անդրադառնալով Հայաստանում ապօրինի գույքի բռնագանձման օրենքին՝ Անդրանիկ Միհրանյանն ասել է․ «Սա նոեբոլշևիզմ է․ բոլշևիկներն էլ, երբ եկան իշխանության, ասում էին՝ վերցնել և վերաբաժանել, որի վերջը եղավ սով, աշխատանքի պակաս»։