Ուկրաինան և Թուրքիան ընդլայնում են համագործակցությունը ռազմական ոլորտներում

Ուկրաինայի վարչապետ Վլադիմիր Գրոյսմանը Թուրքիայի պաշտպանության նախարար Իսմեթ Յըլմազի հետ քննարկել է ռազմատեխնիկական, առևտրային, պաշտպանության և էներգետիկայի ոլորտներում երկկողմ հարաբերությունների խորացման հեռանկարները, հայտնում է RIA Novosti-ն: Գրոյսմանի խոսքերով` երկու երկրներն էլ մեծ պոտենցիալ ունեն փոխհարաբերությունները զարգացնելու տարբեր հատվածներում, մասնավորապես՝ տնտեսության և էներգետիկայի ոլորտներում: Նա նաև նշել է, որ պաշտպանական ոլորտում համագործակցության հեռանկարներ է տեսնում, որը կնպաստի Ուկրաինայի պաշտպանունակության բարձրացմանը: Թուրք նախարարը հավատացրել է, որ իր երկիրը կշարունակի աջակցել Ուկրաինային: Նա նշել է, որ անցյալ տարի երկու երկրների միջև առևտրի ծավալը հասել է 4 միլիարդ դոլարի: