Կարող է պարետատնից Հովիկ Աբրահամյանի նախկին օգնական Ժորիկը մեր տվյալները տարել, փոխանցել է նրան․ Էդմոն Մարուքյան (video)
Կադրերի արտահոսքը մեզ բերում է մեր այն նախկին համոզմանը, որ կառավարությունը չունի այնքան կարողություններ, որ զգայուն ինֆորմացիան պահպանի․ ԼՀԿ-ն հեռախոսով տեղորոշման օրենքին դեմ էր գնում և ասում էր, որ այդ կարողությունը չունեք, անգամ եթե հավատանք, որ տեղեկատվությունն ի չարս չեք օգտագործելու, կարող է ձեր մոտից տեղեկատվությունը դուրս գալ, ուրիշներն ի չարս օգտագործեն: Ամենօրյա այս դեպքերը ապացուցում են այս հանգամանքը: Այս մասին ԱԺ ավանդական ճեպազրույցների ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը:
Ի՞նչ իմանանք՝տեղեկատվությունը վաղը,մյուս օրը ում ձեռքն է ընկնելու, ի՞նչ իմանանք՝ վաղը ում են ծաղրելու, ի՞նչ իմանանք՝ ում դեմ է դա օգտագործվելու: Կամ թերթերը գրում են, որ վարչապետը պարետատնից Ժորիկին դուրս է հանել, պետք է եղել, չէ՞, որ դուրս է հանել, հիմա կարող է Ժորիկը տեղորոշման տվյալները վերցրել, տվել է Հովիկ Աբրահամյանին: Այս հարցերն է, որ մենք բարձրաձայնում ենք»,-ասաց Էդմոն Մարուքյանը:
Մանրամասները՝ տեսանյութում.
Հետևեք մեզ Viber-ում
